Notas veglias
En la Chesa Planta sa chattan numerus manuscrits da musica veglia, tranter auter er or da la collecziun da Peider Lansel. Ils manuscrits che Lansel ha ramassà èn registrads en ina cartoteca che stat a disposiziun en Chesa Planta.
Tar ils manuscrits en possess da la Fundaziun de Planta sa tracti da manuscrits dal 16 enfin al 19 avel tschientaner per musica instrumentala. Ils manuscrits documenteschan l’interess da las famiglias impurtantas da l’Engiadina per la musica instrumentala profana da lur temp. L’impurtanza politica ed economica da questas famiglias sa basava era sin lur viadis e sin contacts dador l’Engiadina. Quai ha permiss da purtar en patria cudeschs ed ediziuns da musica, sco per exempel ils manuscrits conservads en la Chesa Planta.
Il musicolog, ghitarrist e magister da musica sar dr. Robert Grossmann da Pasqual ha perscrutà minuziusamain ils manuscrits da musica veglia da la Chesa Planta. Da sias retschertgas en naschidas dus publicaziuns commentadas da notas en la retscha «Musica veglia in Engiadina» e dus artitgels en las Annalas.
Grossmann, Robert (1988): Musica veglia in Engiadina. Annalas da la Societad Retorumantscha, Annada CI, pp. 67-81, Cuira.
Grossmann, Robert (1990): Musica veglia in Engiadina (II). Annalas da la Societad Retorumantscha, Annada CIII, pp. 109-124, Cuira.
Grossmann, Robert (1989): Die Samedaner Lautenhandschrift von 1563 / Die Wiezel-Handschrift für Tasteninstrumente von 1616. Ediziun da la Biblioteca Engiadinaisa, Segl.
Grossmann, Robert (1989): Die Planta-Gitarrenhandschrift von 1804 / Die von Salis-Handschrift für Streichinstrumente von 1681. Ediziun da la Biblioteca Engiadinaisa, Segl.
